Croeso i wefan Arsyllfa Wledig Cymru.

Mae’r wefan yn rhoi manylion am brif swyddogaethau’r Arsyllfa, ei thîm ymchwil a rheoli craidd a’i rhaglen waith helaeth. Mae’r safle yn cynnwys gwybodaeth am gyhoeddiadau allweddol a chrynodebau y gellir eu llwytho o adroddiadau ystadegol ac ymchwil, ac mae’n galluogi defnyddwyr i gofrestru â’n gwasanaeth postio electronig i dderbyn y wybodaeth ddiweddaraf am weithgareddau’r Arsyllfa yn rheolaidd.

P’un a ydych yn unigolyn sydd â diddordeb yn amodau cymdeithasol ac economaidd Cymru wledig neu’n gynrychiolydd o sefydliad sy’n ymdrin â materion gwledig yng Nghymru, teimlwn y bydd y safle hwn yn darparu ystod eang o wybodaeth ddefnyddiol i chi.

Byddem yn awyddus iawn i dderbyn unrhyw sylwadau ar y wefan a gweithgareddau’r Arsyllfa yn fwy cyffredinol drwy’r e-bost neu drwy’r bwrdd trafod electronig a geir ar y safle hwn.

NEWYDDION :

Ymchwilio Cymru Wledig: Safbwyntiau Cymdeithasol, Economaidd ac Amgylcheddol

22 Mawrth, (The Prince’s Suite), Gwesty’r Parc Thistle, Plas y Parc, Caerdydd, CF10 3UD. 10:30am tan 5:30pm.

Ar ôl y digwyddiad hwn, cynhelir lansiad y llyfr: ‘Cymru Wledig yn yr Unfed Ganrif ar Hugain’ a olygwyd gan Paul Milbourne, rhwng 5:30am a 7:30pm.

Mae Arsyllfa Wledig Cymru a Gwasg Prifysgol Cymru yn eich gwahodd i ddigwyddiad a fydd yn tynnu sylw at ystod eang o waith ymchwil cymdeithasol, economiadd ac amgylcheddol diweddar ar Gymru Wledig, gan gynnwys cipolwg ar themâu fel cynaliadwyedd amgylcheddol, ffermio a bwyd-amaeth, ynghyd â dylanwad mudo o Loegr ar gymunedau. Cynhelir cyfarfod llawn, a fydd yn cynnwys swyddogion Llywodraeth Cymru ac academyddion blaenllaw yn y maes, er mwyn trafod ymchwil ac agendâu polisi ar gyfer Cymru Wledig yn y dyfodol. Yn ogystal, bydd cyfleoedd pellach i drafod a rhwydweithio.

Gellir cadw lle ar gyfer y digwyddiad drwy fynd i: http://www.cplan.cf.ac.uk/events/registrations/90 neu gallwch 
e-bostio colemanje1@cardiff.ac.uk

ADRODDIADAU

Mae adroddiadau diweddaraf Arsyllfa Wledig Cymru ar gael yn:
http://www.walesruralobservatory.org.uk/wel/pub-w.html

Mae’r adroddiadau yn cynnwys :

2010

Arolwg Aelwwydydd Fferm yng Nghymru

2009

Ardaloedd Gwledig Anghysbell

Effeithiau’r Dirwasgaid Cyfredol yng Nghymru Wledig

2008

Gweithwyr Mudol o Ddwyrain a Chanol Ewrop yng Nghymru Wledig

Adroddiad Cymhariaeth Cartrefi 2004-2007

Newidiadau ym Musnesau yng Nghymru Wledig 2004-2007

Adroddiad ar Arolwg Cartrefi yng Nghymru Wledig 2008

Arolwg Busnesau yng Nghymru Wledig 2008

Arolwg Gwasanaethau (yng Nghymru Wledig) 2008

___________________

Dr Bill Edwards, 1944 -2007

Gyda thristwch mawr, cyhoeddwn farwolaeth Dr Bill Edwards, Cyd-gyfarwyddwr Arsyllfa Wledig Cymru. Dros sawl degawd, bu Bill yn gweithio'n ddiwyd ar waith ymchwil yn ymwneud ag ardaloedd gwledig Cymru, gan wneud cyfraniadau academaidd a pholisi arwyddocaol yn y meysydd datblygu cymunedau gwledig a thai gwledig. Bu'n chwarae rôl bwysig yn y broses o ddatblygu'r Arsyllfa Wledig, gan oruchwylio'r rhaglen waith yn Aberystwyth a chymryd rhan fawr yn nifer o'i phrosiectau ymchwil. Bydd colled fawr ar ei ôl, a bydd ei gydweithwyr yn yr Arsyllfa Wledig yn gweld ei eisiau'n fawr.